Втора победа по ред во пресрет на новата сезона за македонскиот првак МЗТ Скопје, овојпат во првата од двете пресметки на домашен терен против бугарскиот тим Рилски спортист со 82-65 (30-14, 21-19, 14-18, 17-14).
Марко Баковиќ средбата ја заврши со 16 поени и седум скока, Душан Танасковиќ реализира 15 поени, Бојан Крстевски постигна 11, а Марко Миловановиќ 10 поени. Зад името на Војдан Стојановски, пак, останаа запишани девет поени и по шест скока и асистенции.
Шампионот ќе истрча на паркетот веќе утре (вторник) и тоа против истиот ривал, овој пат во меч од затворен карактер со почеток од 17 часот. Суперкупот се игра в сабота, а противник на МЗТ Скопје ќе биде Феникс.