Металург остана без уште еден ракометар

Екипата на Охрид започна да го гради тимот за новата сезона откако денес на голманската позиција беше ангажира Никола Даниловски од тимот на Металург.

Екс младински репрезентативец со составот од Охрид потпиша едногодишен договор со можност за продолжување на соработката.

Со ангажманот на 22-годишниот голман, РК Охрид ќе ги реши дилемите околу позицијата чувар на мрежата. Пред потпис на нов договор со „гладијаторите“ е Јагош Брауновиќ, кој минатата сезона беше опција број еден голот.

Охрид предводен од новиот тренер Раде Стојановиќ полека го екипира ростерот и во скоро време ќе бидат обелоденати имињата со кои ќе биде продолжена соработа и оние кои ќе го засилат клубот.