Македонските спортисти на осмиот ден на Медитеранските игри во Тарагона

Возбудливо попладне и вечер ги очекуваат македонските спортисти на Медитеранските игри во Тарагона. Први во рамките на попладневната програма од осмиот ден ќе се појават претставниците во 3х3 баскет, кои во рамките на четвртфиналето ќе играат против Словенија од 17 часот, а потоа ако победат ги очекува и полуфиналниот дуел.

Во 20 часот ракометарките го играат полуфиналето против селекцијата на домаќинот Шпанија, додека на крајот од денот е настапот на македонскиот атлетичар Дарио Ивановски во финалната трка во дисциплината 1.500 метри.