Македонија поразена од Русија

Македонската кошаркарска репрезентација за играчи до 16 години со пораз го почна настапот на Европското првенство Б дивизија што се игра во Сараево. Македонија попладнево загуби од Русија со 75:69 (23:13; 10:23; 21:7 и 21:26).

Двете селекции добија по две четвртини, но нашите во третиот период постигнаа само 7 поени. Избраниците на селекторот Александар Јованчев покажаа дека можат да одиграат квалитетно особено во вториот период кога и направија резултатски пресврт и на полувреме Македонија водеше 36:33.

Сепак во завршницата Русија имаше водство, кое нашите кадети успеаја да го стигнат и да намалат (69:70), но немаа сили за пресврт и неколку спорни судиски одлуки ги одалечија од победата.

Марко Миловановиќ кај Македонија со 20 поени и 10 скокови беше најдобар, додека кај Русија Павел Савков постигна 20 поени а имаше и 11 скокови.

Утре нашата репрезентација во терминот од 14:15 часот го игра дуелот од 2.коло, а противник е селекцијата на Белгија.

ПОВРЗАНИ ВЕСТИ

Работнички и МЗТ лесно против Кожув и Вардар – Блокотехна брзо го „искачи“ Пелистер!

(ВИДЕО) Лејкерс не се Кливленд: Леброн дебитираше со пораз

Кочов: Ни фалеше агресивноста од претходните дуели

Овојпат продолжението во корист на МЗТ Скопје Аеродром

Тргна новата сезона во НБА: На стартот Кари и Дурант кобни за Оклахома, победи и Бостон

ФОТО: Победници на денот – младенците и сватовите од свадба на трибина меѓу навивачите

Почина генералниот секретар на ФИБА

Блокотехна гостува во Кавадарци кај Фени

Теодосиќ си оди од ЛА Клиперс