Ма каков Хамилтон, Ред Бул го има најдобриот возач во моментов

Макс Верстапен е моментално подобар возач од лидерот на првенството и петкратен шампион, Луис Хамилтон, така барем верува шефот на Ред Бул, Кристијан Хорнер.

Хамилтон уверливо гази кон нова титула и е далеку од конкуренцијата на табелата, а еден од послабите резултати Хамилтон ги оствари во Австрија, каде Мерцедес се мачеше со високите температури и со пневматиците.

Верстапен во Австрија оствари фантастична победа, прва оваа сезона.

Според моменталната форма, Макс е најдобар, како возач во форма на својот живот, во последните 12 месеци е најдобар, подобар и од Хамилтон. Како да го аргументирам тоа? Па не е во најдобриот болид, а доколку ги погледнете неговите резултати од Монтреал ланската сезона досега, нема ниту една грешка во трка, што го прави најдобар“, рече Хорнер.