Кутињо се „загуби“ во Барса, Јунајтед го примамува на „Олд Трафорд“!?

Се повеќе се пишува дека Барселона е разочарана од Филипе Кутињо и дека таа ситуација би можел да ја искористи Манчестер Јунајтед.

Бразилецот игра навистина слабо оваа сезона, особено е на удар по поразот од Леванте во Кралскиот Куп, па шпанските медиуми сметаат дека разделбата помеѓу играчот и Барса е возможна.

Во приказната се вклучија и „Црвените ѓаволи“, кои се заинтересирани за поранешниот фудбалер на Ливерпул, а според „Мундо Депортиво“, Јунајтед воспоставил контакт со агентот на Кутињо.

Шпанскиот весник тврди дека Манчестер е сериозен во намерата да го ангажира бразилскиот репрезентативец, кој не се истакна претерано на „Камп Ноу“, откако пред 12 месеци Ливерпул го замени со Каталонија.

Амбициите на Јунајтед пораснаа откако новиот тренер Оле Гунар Солскјер ја препороди екипата, Норвежанецот оствари триумф во секој меч на клупата на „Ѓаволите“, а ги водеше на пет натпревари, па управата е подготвена веќе во јануари да му приреди барем едно изненадување.

Ова јасно би бил огромен удар за сите навивачи на Ливерпул, со оглед на тоа дека Бразилецот остави голема трага на „Енфилд“ и нема сомнежи дека тешко би го поднеле неговиот трансфер во редовите на лутиот ривал во Премиер лигата.

„Манчестер Ивнинг Њуз“ лукаво напоменува дека за Кутињо трансферот на „Олд Трафорд“ ќе значи шанса конечно да освои некој трофеј во англискиот фудбал, со оглед на тоа дека такво нешто не му успеа за пет години во Ливерпул.

ПОВРЗАНИ ВЕСТИ

Ќе направат се за да го донесат: Наполи ја враќа „десетката“ на Марадона поради еден играч!

Легендарниот играч на Јунајтед дециден: Можеме и без Погба

„Сините“ добија зелено светло: Дерби му дозволи на Лампард да преговара со Челзи!

На „Топчиите“ им е итно: Арсенал понуди 30.000.000 евра за првото засилување

Европскиот првак вложува во иднината: Ливерпул го купува „новиот Ван Дајк“

Популарниот Цапар се враќа на сцена: Канатларовски доби селекторска функција

Звучи лудо, но намерите се сериозни: Алиоски од следната сезона ќе игра со Тоти!?

Еден од најискусните го напушта Вардар и се сели во Вележ од Мостар

(ФОТО) Папараците добија „бинго“: Го фотнаа газето на Георгина од неверојатен кадар