Карачиќ со последен поздрав до сите Вардарци: Засекогаш ќе бидете во моето срце!

По цели седум и пол години поминати во дресот на Вардар, хрватскиот ракометар Игор Карачиќ од следната сезона ќе настапува за полски Кјелце.

Карачиќ во Скопје освои две титули во Лигата на шампионите, а по завршувањето на оваа сезона тој се пресели во редовите на Кјелце. Тој денеска преку својот фејсбук профил испрати поздрав до Вардар, до сите негови соиграчи и најмногу до навивачите, заблагодарувајќи се за фантастичните години минати во „црвено-црниот“ дрес.

„Големо фала до клубот, играчите, а најмногу до навивачите кои беа со мене во оваа преубава приказна во Вардар! Засекогаш во моето срце“, напиша Карачиќ на Фејсбук.