Карачиќ открива што им ветил Сергеј и притоа вели: Се уште немаме земено пари

Игор Карачиќ го напушти Вардар и следната сезона ќе настапува во Кјелце, но Хрватот не може без Македонија па во изминатите денови беше повторно во Скопје.

Тој говореше отворено за „Брз центар“ и откри со што се соочувале.

„Се уште чекаме на парите. Ни ветија дека ќе биде исплатено до 1. септември, и верувам во Сергеј Самсоненко. Проблемите ни беа навистина големи. 21 месец не земавме плата. Беше тешко, а се почна на почетокот од минатата сезона“, изјави Карачиќ.

Сепак по освојувањето на европската титулата стигнаа ветувања и награди од многу страни, па во касата на „црвено-црните“ ќе се влее прилично добра сума на финансии со која се очекува да се надминат проблемите.