Кадетите со прва радост на Мундијалот во Македонија: Падна Нигерија

Македонската машка кадетска ракометна селекција ја запиша првата победа на Мундијалот кој се одржува во нашата држава. Вечерва избраниците на Данило Брестовац беа подобри од Нигерија со резултат од 37-34.

Ова беше прва радост по поразот во воведното коло до Аргентина. Но и вечерашната победа беше заработено доста тешко и со голем напор. Притоа како и што се гледа по резултатот, се играше доста ефикасно.

Ненад Костески беше убедливо најдобар поединец на теренот со со 13 гола, , додека двоцифрен беше Мартин Серафимов кој средбата ја заврши со десет погодоци.

Македонија веќе утре во рамки на 3. коло до групата Ц ќе ги одмери силите против Бахреин со почеток од 20:30 часот.