И Италија со голем удар: Остана без уште една „ѕвезда“ за СП во Кина

Дефинитивно Мундобаскетот во Кина ќе биде сиромашен за голем број ѕвезди. Од ден на ден како се наближува шампионатот, пристигаат информации за нови откажувања.

Едно од нив е она на о центарот на Њу Орлеанс Пеликанс, Никол Мели кој нема на биде дел од селекцијата на Италија.

Мели се опоравуваше од операција на коленото која ја изврши на 27 јуни и не успеа да се рехабилитира и покрај огромната желба на Италијанецот да игра за својата репрезентација.

Селекторот Мео Сакети со петнаесет кошаркари моментално се подготвува во база во Рим, а утре ќе одиграат пријателска со Венецуела.