Хомола со триумф во Хунгароринг на почетокот од новата сезона во TCR, Давидовски 25-ти

Денешната прва трка од шампионатот во TCR Europa, заврши со тројна победа на Хјундаи со редослед Хомола, Филес, Панчиатичи.

Победник во Хунгароринг денеска е словачкиот возач Мато Хомола, кој ја имаше и пол-позицијата на оваа патека, додека на победничкиот пиедестал се пласирани уште и британскиот и француски возач.

Хомола имаше одличен старт, приморувајки го Андреас Бакман на проблеми уште при првите неколку свиоци, кој се спушти дури на 16 позиција по само еден круг.

Победата на Хјундаи ќе беше комплетна на првите 5 позиции, доколку пежото на Жулиен Бриш не се испречеше пред 5. и 6. пласираните Душан Борковиќ и Даниел Наѓ од Хјундаи.

Нашиот Виктор Давидовски со ПСС Рејсинг трката ја заврши на 25 позиција во конкуренција на 37. возачи, а стартуваше од 19 позиција од стартот на денешната трка во Унгарија, а втората рунда денеска, односно трка на истата патека се вози во 14 30.

Следната трка се вози на Хокенхајм во Германија на 26. мај.

Oва е пласманот во топ10 и нивните времиња и заостанувања: