Гризман ја откри тајната за долгите ракави кои ги носи на дресот

Барселона во името на Антоан Гризман го доби најголемото засилување ова лето.

Французинот за сума од 120 милиони евра ги засили редовите на каталонскиот гигант откако по пет години се раздели од Атлетико Мадрид.

„Како мал татко ми ме учеше дека возовите не минуваат само еднаш. Сега е време за нов предизвик и нова средина. Конечно нашите патишта се вкрстија. Боите на Барселона ќе ги бранам најдобро што можам и умеам. Сега е наше време. Зошто носам дресови со долги ракави? Тоа е поради Бекам. Тој тоа го правеше и тој е мој идол. Беше господин на теренот, но и надвор од него и тоа најмногу ми се допаѓа“, изјави Гризман.