Гол во 92. минута за опстанок во лигата, а потоа невидено лудило на теренот

Денес се одиграа сите натпревари од 34.коло во германската Бундес лига.

Сезоната во Германија заврши, но во последното коло се водеше голема битка за места кои водат во Европа, но и за 15. место.

Отпаднаа Гројтер Фурт и Арминија Билефелд, но единствено прашање беше кој ќе заврши на 16. место и кој треба да игра плеј-оф за да остане во Бундеслигата.

Херта загуби во Дортмунд со 2:1 и таа е таа која на крајот ќе игра бараж со третопласираната екипа од 2. Бундеслига, додека Штутгарт избегна такво сценарио со гол во 92. минута.

Ендо постигна гол за големото славје на стадионот во Штутгарт, а подоцна многу навивачи на домашната екипа упаднаа на теренот за да го одбележат овој посебен момент со своите миленици.