Ѓоковиќ доби предлог: Не можеш во Црна Гора, епа ајде во Македонија!

Турнирот во тенис кој беше најавен во Црна Гора, каде се очекуваше и присуство на Новак Ѓоковиќ, најверојатно нема и да се одигра.

Поради проблеми и тензии меѓу Србија и Црна Гора, на Новак Ѓоковиќ нема да му биде дозволено да влезе во Црна Гора и да биде дел од спектаклот со многу познати тенисери и скоро извесно е дека и турнирот нема да се одржи.

На таа тема и проблем, еден македонски фан на Новак Ѓоковиќ има интересна идеја која ја сподели на социјалните мрежи.

Со оглед на тоа дека Новак Ѓоковиќ претходно најавуваше дека ќе ја посети Македонија, можеби ова и сега е најзрела шанса, а тој му предложи на Ѓоковиќ да ја посети нашата земја, кога веќе нема да може да влезе во Црна Гора.