(ФОТО) Во пресрет на новата сезона – Формула 1 го доби еден од најубавите болиди во историјата на спортот

Кон крајот на следниот месец конечно започнува новата сезона во Формула 1, а екипте се подготвуваат за новите предизвици.

Во новата сезона не очекуваат неколку нови промени кога станува збор за правилата, но и самите учесници. Подготвките се во полн ек, па екипите ги тестираат своите нови болиди. Секако, главна цел е да бидат што е можно подобри во однос на минатата сезона, па некој конечно да го симне Мерцедес од тронот.

Официјалните претставувања на болидите се уште не се почнати, но дел од тимовите се одлучија да ги „откријат картите“, па да ги покажат своите болиди. Најмногу воодушеви екипата на Хас чиј болид ги остави без зборови љубителите на најбрзиот циркус на планетата.

Американскиот тим објави фотографии од болидот кој ќе го возат неговите возачи во новата сезона. На болидот доминира црната боја, а златната боја дава дополнителен „шмек“. Во истите бои се и униформите на возачите Роман Гросжан и Кевин Магнусен што овој болид го прави уште помоќен.