(ФОТО) Одбојкарите на прием кај Заев: Владата изрази честитки и најави поддршка

Претседателот на Владата на Република Македонија, Зоран Заев денеска се сретна со претставници на Одбојкарската федерација на Македонија, предводени од претседателот на Федерацијата, Петар Јовановски.

На средбата, од претседателот и претставниците на Одбојкарската федерација е изразена благодарност за поддршката од премиерот Заев, од Владата и од Агенцијата за млади и спорт. Посочено е дека за една година, за Одбојкарската федерација се наменети значителна сума финансиски средства, како никогаш до сега.

Исто така, претставниците на Одбојкарската федерација на Македонија го посочија како значаен исчекор напред, интересот на премиерот Заев и на Владата да ги слушне предизвиците со коишто се соочуваат спортистите и активно да соработува во изнаоѓањето решенија.

Премиерот Заев упати честитки до претседателот на Одбојкарската федерација, Јовановски, до претставниците на Федерацијата, како и до играчите одбојкари, за историскиот успех постигнат годинава со пласманот на Европското одбојкарско првенство.

– Покажавте одличен успех при пласирањето, за тоа изразувам почит кон Федерацијата во име на Владата и во мое име. Имате добри шанси за Европското одбојкарско првенство што ќе се одржи во септември оваа година. Сметајте на поддршката од Владата. Со повеќе мерки, како Влада имаме за цел да го поддржиме спортот, бидејќи нема подобар репрезент на државата од спортот и ништо не зближува повеќе од спортот, рече премиерот Заев.

На средбата се разговараше за начините за поддршка и мотивација на одбојкарите, како што се доделување спортска сала на Одбојкарската федерација, за потребите на развојот на одбојката во Република Македонија, обезбедување соодветни просторни услови за тренинзи, финансиски средства согласно законските прописи, како и за можностите за поголема промоција, како на одбојката, така и на другите спортови во Република Македонија.

ПОВРЗАНИ ВЕСТИ

(ФОТО)Никогаш пожешка фотка од Бушард: За Денот на вљубените ги „запали“ социјалните мрежи

ВИДЕО: Роџер, што ќе ти каже Мирка по пораката од Линдзи Вон дека „те сака!?“

(ВИДЕО) Општа тепачка на ватерполо меч во Русија – буквално ќе се издавеа

(ФОТО) Нападнатиот голман на Црвена Звезда ја покажа раната од нож: Ако не скокнев во море ќе ме убиеја

(ВИДЕО) Премиерот Заев на средба со нашите претставници на Европските младински олимписки игри во Сараево

Бојан Костов е освојувач на сребрен медал на ЕП за кадети и младинци во Данска

(ФОТО) Линдзи Вон објави фотка од своeто разбиено газе – нема да ви биде добро кога ќе го видите

(ВИДЕО) Тежок пад на легендарната Вон – леташе во воздух и се заби во оградата

(ВИДЕО) Прекрасната бордерка Марија: Неопходна е поголема поддршка за големи дострели