(ФОТО) Момир Илиќ во Вардар !?

Еден од најдобрите српски ракометари на сите времиња, Момир Илиќ кој пред еден месец соопшти дека става крај на својата кариера, деновиве е во нашиот главен град Скопје.

Искусниот 38-годишен ракометар синоќа со својата сопруга и дете, а во друштво на нашиот Манасков со кого беа соиграчи во Веспрем, како и нивните менаџери беа забележани во една кафана.

За ова сведочи и заедничката фотографија. Па веднаш се наметнува прашањето, што ли бара Илиќ со своите менаџери во Скопје – а веднаш на сето ова асоцира Вардар.

Дополнително шпекулациите се засилени поради тоа што нашите информации велат дека синоќа во истата кафана биле и директорот на Вардар, Давор Стојановски, како и првиот човек на клубот Сергеј Самсоненко.

Дали ова значи дека можеби Илиќ ќе го видиме во „црвено-црниот“ дрес и ќе се предомисли за пензијата или пак можеби ќе биде вклучен во стручниот штаб.

Сепак, сетоа ова е во доменот на шпекулациите бидејќи нема официјална потврда ниту од една страна, па можеби Србинот бил само приватно во Скопје.