Тенисерот број1, Новак Ѓоковиќ, вечерва без поголеми проблеми, славеше во финалето против домашниот тенисер Јаник Синер, во финалето во Торино.
На завршниот АТП мастерс турнир, победник е Новак Ѓоковиќ, откако во финалето го победи во два сета (6-3,6-3) Јаник Синер.
Уште од стартот од мечот беше јасно дека приматот фаворит е во рацете на Новак Ѓоковиќ, а тоа го потврдува и резултатот.
После долгата сезона во која Ѓоковиќ освои три гренд слем трофеи, а подигаше трофеи и во Аделаида, Синсинати и Париз, обичен човек би помислил дека сега е време до јануари кога ќе почне Австралија Опен.
Но од одморот нема ништо, барем не уште некое време. Ѓоковиќ од утре или вторник ќе и се приклучи на Дејвис куп репрезентацијата на Србија.