Ферстапен со фантастичен финиш му ја „украде“ победата на Леклер и славеше во Австрија

Холандскиот возач во болидот на Ред Бул Макс Ферстапен денеска ја оствари првата победа во актуелната сезона.

Иако стартуваше од второто место, Ферстапен имаше навистина фантастична трка во чиј финиш успеа да дојде до триумфот во трката за Големата награда на Австрија.

Во водство беше младиот возач на Ферари Шарл Леклер, но Ферстапен во самиот финиш успеа да го стигне и на три круга пред крајот да го престигне.

Во таа прилика имаше мали дилеми дали Холанѓанецот тоа го направи на прописен начин со оглед на тоа дека го „истурка“ Леклер од патеката, но сепак помина без казна.

Леклер на крајот мораше да се помири со второто место, додека трет заврши Валтери Ботас од Мерцедес.

Во последните моменти од трката Себастијан Фетел дојде до четвртата позиција претекнувајќи го Луис Хамилтон кој заврши како петти.

За Ферстапен ова беше седма победа во кариерата со која се проби на третото место во генералниот поредок кај возачите со 126 освоени бода,додека на првото место се уште е Британецот Луис Хамилтон, а втор неговиот тимски колега Ботас со 31 бод помалку.

Следната трка во шампионатот на Формула 1 се вози на 14. јули за Големата нагарда на Велика Британија.

ПОВРЗАНИ ВЕСТИ

ВИДЕО: Ф1 палавковци: Незгодно за Сајнц – Рикиардо со крајно прецизен удар на болното место

ВИДЕО: По инцидентот меѓу Фетел и Верстапен – нај-моментот го има еден механичар!

Хамилтон ја одбрани Британија, дојде на 11 победи од Шумахер

Во Ферари очекувано незадоволни од Фетел: Не сме задоволни, можеше подобро!

Тод: Веќе ништо не е исто со Михаел Шумахер!

Леклер најавува дека ќе биде уште поагресивен на трките

Ма каков Хамилтон, Ред Бул го има најдобриот возач во моментов

(ВИДЕО) Страшен пад на возачот на Дукати: Петручи при 160 на час изгуби контрола

Доколку Фетел догодина им каже „Чао рагаци“ на Ферари – ова се двете желби на „црвените“