Ферари се чудо – направиле голем кикс поради кој Фетел можел да го загуби и 2. место во Канада

По контроверзната трка во Канада, Ферари призна дека направиле една од неколкуте грешки, кога не успеале на време да го известат Чарлс Леклер за 5-те секунди казна на Себастијан Фетел.

Фетел доби казна од стјуардите на трката поради инцидентот во 57/70 круг, поради тоа што излета од патеката и небезбедно се врати на неа, препречкувајки му го патот на актуелниот светски шампион Луис Хамилтон, а по добивањето на казната во 62 круг, Ферари заборавил едноставно да го извести Леклер за тоа.

Постоеше реална опасност неизвестениот Леклер да дојде под 5 секунди разлика во однос на Себастијан Фетел, нешто кое подоцна дополнително ќе ескалираше бидејки Фетел ќе го загубеше и второто место, па ќе мораше да се задоволи само со 15 бодови.

Самиот Леклер не бил свесен во тој момент дека може да му одмогне на својот колега, но тоа и не била негова вила, бидејки дечките од Маранело биле во тотален „офсајд“ тие десетина кругови, разочарани од одлуката на луѓето во ФИА да го казнат Фетел.