Ферари сака да го врати ударот, но фактите се против него!

Ферари, односно Себастијан Фетел, испушти шанса да дојде до првата победа оваа сезона во Формула 1.

На трката за Големата награда на Канада Германецот помина прв низ целта, но поради прекршок во 58. круг, му без одземени пет секунди и победата му припадна на Луис Хамилтон. Тоа не ги остави рамнодушни во Ферари каде планираат да се жалат на оваа одлука и по административен пат да ја бараат назад победата.

Тимот има 96 часа да одлучи дали ќе продолжи со жалбата која потоа ќе оди и на Меѓународниот жалбен суд на ФИА. Според правилникот на Ф1 казна изречена за време на трка не може да биде предмет на жалба, па многу веројатно обидот на Ферари ќе биде залуден.