Ферари е далеку од Мерцедес – Ботас прв, Хамилтон втор во Каталонија

Евидентно дека брзината која ја има Мерцедес се докажа на лице место во Шпанија, каде денеска попладне возачите на овој германски тим одработија 1-2 на стартот за утрешната трка.

Ботас беше убедливо најбрз на денешните квалификации, а на утрешната трка, неговиот тимски колега Луис Хамилтон ќе тргне од втората позиција.

Ферари и денеска беше инертен во однос на „сребрените стрели“, Себастијан Фетел едвај го освои третото место, додека на 4. позиција се пласира Верстапен. Младиот Леклер кој денеска имаше само еден летачки круг во последните 10 минути од квалификации, имаше време доволно за 5. позиција.

Во топ10 на стартот за утрешната трка уште влегоа и Гасли, Грожан, Магнусен, Квјат и Рикиардо.