Федерер институција: Првиот жив Швајцарец кој добива лик на парите во својата земја

Иконата на светскиот тенис, легенда во својата земја и светот, Роџер Федерер ќе биде на уникатен начин испочитуван во својата земја.

Тој ќе биде првиот жив граѓанин на Швајцарија кој ќе добие симбол во негов лик на банкнота, односно на една од металните монети кои се во оптек во Швајцарија.

Планирано е за 23. јануари во оптек да биде пуштен сребреник од 20 франци, а во мај златник од 50 франци.