Еден новинар кој бил во жирито за „Златната топка“ воопшто не постои, а сепак гласал!?

Неколку навистина чудни пропусти се случија при гласањето за „Златната топка“.

За потсетување, ова престжно признание пред пет дена во Париз го освои Лука Модриќ и на тој начин ја прекина десетгодишната доминација на Роналдо и Меси.

Сепак, се чинид ека не било се баш така регуларно кога стнува збор за гласањето на новинарите за оваа награда. Откако во вторникот се огласи Ласана Либурд, новинар од Тринидад и Тобаго и порача дека редоследот на неговите гласови е променет, односно дека гласал за Меси, а не за Гризман, сега се случи нова интересна ситуација.

Имено, Французите се сомневаат дека новинарот од Коморските Острови, Абду Боина, воопшто не постои. Порталот за кој работел, albaldcomores.com, е згаснат пред шест години, а човекот со тоа име е невозможно да биде пронајден.

Инаку, тој (без разлика кој и да е) гласал на следниот начин: Мбапе, Модриќ, Роналдо, Азар, Салах.