Дончиќ направи споредба на кошарката во Европа и Америка, но посочи дека е разочаран

Словенечкиот кошаркар Лука Дончиќ, зборуваше за разликите помеѓу европската и НБА кошарката.

Дончиќ сезонава импресионира во секој сегмент од американската кошарка и добива се повеќе фанови од ден во ден.

Словенечкиот репрезентативец направи целосно анализа која е разликата од Европа до Америка во кошаркарска смисла.

Овде во НБА е полесно да се почне отколку во Европа. Во Европа терените се помали и постои правило три секунди во рекетот. Мислам дека овде е полесно да се постигнуваат поени“.

Тој иако имаше огромен број на гласови од навивачите, Лука сепак не доби повик за Ол Старот, без оглед на тоа што е фантастичен сезонава.

Сакав да играм таму и многу сум разочаран што нема да бидам дел од Ол Старот. Важно е дека многу луѓе гласаа за мене и дека ги импресионирав. Тоа ми беше најважно, но не се оствари. Се надевам дека следната сезона ќе го остварам тоа“, констатира Дончиќ.