Дончиќ ја предводи најдобрата руки петорка во НБА лигата

Во самата завршница од сезоната во НБА лигата, избрана е најдобрата петорка составена од кошаркари кои ја играат својата професионална прва сезона во најсилната кошаркарска лига.

Очекувано, место во петорката се најде и за Словенецот Лука Дончиќ кој воедно е и најсериозен кандидат за признанието за дебитант на годината.

Покрај него во тимот се уште и Тре Јанг, Диандре Ејтон, Марвин Бегли и Џерен Џексон. Јанг и Ејтон ќе му бидат најсериозните ривали на Дончиќ за наградата за дебитант на годината.

Во втората најдобра петорка се најдоа Колин Секстон, Шаи Александер, Лендри Шамет, Кевин Уертер и Мичел Робинсон.