Дали ова е потврда? Хабиб против Конор – втор дел!

Шампионот во лесна категорија во УФЦ Хабиб Нурмагомедов би можел да има нова борба против ирската суперѕвезда Конор Мекгрегор и тоа веќе на 13. април.

Претседателот на УФЦ Дејна Вајт вчера најави дека реваншот помеѓу Хабиб и Мекгрегор би можел да се одржи во 2019. година, а ММА тимот на Дагестанецот денеска донесе навистина мистериозна порака на Твитер.

Тие на Твитер поставија само порака „УФЦ 236“, а дали тоа значи дека токму тогаш ќе го видиме Хабиб повторно на дело, останува да се види.

УФЦ 236 евентот е закажан за 13. април. Се уште не е познато каде точно ќе се одржи, но со оглед на се, многу лесно би можело да се случи веќе на тој датум да гледаме нов меч помеѓу Хабиб и Конор.

Сепак, двајцата борци најпрво мораат да се најдат на сослушување пред Атлетската комисија на Невада по хаосот кој го направија на мечот одржан во октомври.

За потсетување, тогаш Конор ја испровоцира екипата на Дагестанецот, а Нурмагомедов се фрли во публиката за да се пресмета со еден од тренерите на Мекгрегор.

Во самата борба Хабиб доминираше и го уништи Ирецот, па во евентуалниот втор дуел сигурно ќе биде голем фаворит.

Сепак, и другите борци чекаат на дуел против шампионот, пред се Тони Фергусон со кого дуелот му пропадна дури четири пати и на кого му беше одземена титулата која во моментов е сопственост на Хабиб.

ПОВРЗАНИ ВЕСТИ

(ФОТО/ВИДЕО) Скопје го пречека европскиот шампион, а Алили порача: Одам по олимписки медал!

Србија во неверојатен меч славеше во супер-дербито со Хрватска и ја освои Светската лига

Трагедија: Познато одбојкарско лице по свадба доживеал срцев удар и починал

Алили се враќа од ЕП со златен медал за Македонија

Најдобриот македонски одбојкар кариерата ја продолжува во Бундес лигата

ВИДЕО: Фјури го нокаутираше Шварц и најави „лов“ на Вајлдер

(ФОТО) Српската одбојкарка ги изненади сите – позираше потполно гола

Ваучер – ФИЈАСКО: Сите се незадоволни – прстите вперени во АМС

(ВИДЕО) Тоше Зафиров со вардарова песна и комитски знамиња до историско злато