Браќата Њокас го заменија Металург со Вардар

Братското дуо Оливие и Кевин Њокас се најнови засилувања на Вардар. Супер двоен трансфер успева да договори управата на ,,црвено – црните” буквално во ,,5 до 12″.

И двајцата ќе смеат да играат во домашното првенство и уште поважно, во Лигата на шампионите уште од првиот натпревар против Елверум (15 септември). Кевин Њокас настапува на десната бековска позиција и ќе игра заедно со Гурбиндо, додека пак Оливие ќе игра на лев бек заедно со Кудуз, Талески и Дијало.

Двајцата треба да бидат последни засилувања за вардарци ова лето. Останува уште од Вардар и официјално да ги потврдат браќата како нови играчи на клубот. Французите доаѓаат од големиот ривал на Вардар, Металург каде не го добија она што го очекуваат.