Баркли посочи со прст кон виновникот за повредата на Кеј-Ди

Легендарниот кошаркар од минатото, Чарлс Баркли, зборуваше за повредата на Кевин Дурент во финалето и го најде виновникот за таа повреда.

Дурент се врати на теренот по еден месец пауза, но успеа да одигра само 12 минути, по кои повторно се повреди и го напушти теренот.

Баркли во емисијата „Get Up“, јасно посочи дека како главни виновници за повредата на Кеј Ди ги смета само во Голден Стејт.

„Се прашувате цело утро дали некој треба да биде обвинет? Да, треба, Голден Стејт, затоа што тие го натераа Дурент на сила да игра. Против сите медиумски стории и се што се зборуваше, му направија притисок на Дурент да игра, и се случи тоа што се случи, не смееа да му дозволат да игра“, констатира Баркли.