АТП пресече, Вимблдон нема да има никакво значење!

Здружението на тениски професионалци (АТП) му ги одзеде бодовите на Вимблдон поради одлуката на организаторите на тој турнир да не им дозволат на руските и белоруските тенисери, но и тенисерките да не учествуваат на настанот.

Еден од најпрестижните турнири во светот на тенисот оваа година би можел да доживее целосен колапс. Прашање е колку тенисерите се подготвени да се жртвуваат само за да учествуваат на Вимблдон, ризикуваат евентуална повреда, а за возврат не би добиле ништо дури и да го освојат.

„Способноста на играчите од која било националност да учествуваат на турнири врз основа на нивните заслуги и без дискриминација е фундаментална за нашата турнеја“, се вели во соопштението на АТП.

Засега е под знак прашалник дали воопшто ќе се одржи Вимблдон, а доколку тоа се случи ќе има ревијален карактер. Но, се уште има простор Ол Ингланд клубот да ја промени својата одлука и да им дозволи на Русите и Белорусите да се борат на британската трева.