Ефес е добар, ЦСКА е најдобра!

Екипата на ЦСКА Москва е нов европски шампион откако во финалето од Евролигата го победи Анадолу Ефес со 91:83.

Исклучитечно ефикасниот натпревар беше решен во последната четвртина иако ЦСКА постојано беше во водство. Турците не се предадоа, играат пожртвувано до крајот, но најмногу што успеаја е да поведат со 45:44 на почетокот од третата четвртина.

Оваа ЦСКА има премногу искусни кошаркари, брзо се созеде од шокот, ја врати доминацијата и веќе на средина од четвртината дојде до +14 (54:68). Ефес во последните десет минути се доближи на -4 во три наврати, но ниеднаш поблиску од тоа.

Вил Клајбурн и Кори Хигинс беа најефикасни во ЦСКА со по 20 поени, кај Анадолу Ефес, Шејн Ларкин постигна 29. За рускиот тим ова е осма титула во Евролигата, повеќе има само Реал Мадрид – 10.