Шпанецот Карлос Алкараз, успеа да се пласира во полуфиналето од завршниот мастерс турнир во Торино.
Тенисерот од Мурсија, во четвртфиналниот меч беше подобар од Данил Медведев во два сета со 6:4, 6:4 и си закажа спектакуларен дуел против Новак Ѓоковиќ во полуфиналето.
Мечот траеше час и дваесет минути, а се стекнува чувство дека ова за Алкараз беше еден вид загревање за она што следува.
–Ова е еден од најдобрите турнири во нашиот спорт. Атмосферата овде е неверојатна. Ќе уживам во дуелот со Новак Ѓоковиќ и ќе се обидам да дадам се од себе.
Дуелот помеѓу Алкараз и Ѓоковиќ е утре на програмата од 21 часот.